ԱՆԻՖ-ի և գործընկերների 4 տարվա համատեղ գործունեության արդյունքները
Տեսանյութի հղումն` այստեղ
Հայաստանի պետական հետաքրքրությունների ֆոնդի (ԱՆԻՖ) կողմից, ստեղծման չորս տարիների ընթացքում, իրականացվել են ներդրումային մոտ մեկ տասնյակ համատեղ ծրագրեր՝ հայաստանյան և օտարերկրյա ներդրողների հետ:
Անցած տարվա ընթացքում ԱՆԻՖ-ն արդեն գրանցել է ավելի քան 1 միլիարդ 760 միլիոն ՀՀ դրամի՝ մոտ 4,6 միլիոն ԱՄՆ դոլարի, զուտ շահույթ։ Եվ սա այն դեպքում, երբ այս տարիների ընթացքում Հայաստանն անցել է բազմաթիվ ճգնաժամերի միջով, իսկ ԱՆԻՖ-ի ծրագրերի մեծ մասը մեկնարկել է վերջին երկու տարում։
Ֆոնդի ռազմավարական նշանակություն ունեցող 2 խոշոր ներդրումային ծրագրերից ԱՆԻՖ-ի և Էյր Արաբիա ընկերության համատեղ` Ֆլայ Արնա հայկական նոր ազգային ավիաընկերությունն արդեն մեկ տարի չվերթներ է իրականացնում 9 ուղղություններով: Ավիաընկերությունը նախատեսում է ընդլայնել չվերթների աշխարհագրությունը:
Հաջորդ ռազմավարական խոշոր ծրագրի` ԱՆԻՖ-ի և արաբական Մասդար ընկերության համատեղ «Այգ-1» ֆոտովոլտային կայանի կառուցման նախապատրաստական աշխատանքներն ընթացքի մեջ են: Կայանի կառուցման համար կներդրվի մոտ 200 մլն ԱՄՆ դոլար, իսկ շահագործումը նախատեսվում է 2025 թվականին:
ԱՆԻՖ-ի դուստր ընկերության` «Ձեռնարկատեր+պետություն» ներդրումային ֆոնդի աջակցությամբ երկու տարում ընդհանուր առմամբ մեկնարկել է ութ ներդրումային ծրագիր:
Այս կարճ ժամանակահատվածում հաջողված ծրագրերի, տնտեսական ձեռքբերումների և ապագա պլանների մասին կից համառոտ տեսանյութում խոսում են ԱՆԻՖ-ի ղեկավարությունը և գործընկեր կազմակերպությունների ներկայացուցիչները։
Հետևեք ԱՆԻՖ-ի սոցիալական մեդիայի էջերին
Facebook
Instagram
Youtube
LinkedIn
Լրացուցիչ տեղեկությունների համար այցելեք՝ www.anif.am