ՀՀ կառավարության կողմից մեծապես կարևորվում է գործարար միջավայրի բարելավման նպատակով համապարփակ բարեփոխումների շարունակականությունը՝ ներդրողների համար ապահովելով նպաստավոր ներդրումային և բիզնես դաշտ։

«Հայաստանի Պետական Հետաքրքրությունների Ֆոնդ» ՓԲԸ-ն (այսուհետ՝ ԱՆԻՖ) մի շարք հնարավորություններ է տրամադրում օտարերկրյա ներդրողներին։

Մեր աջակցությունը ներառում է․

— աջակցություն ներդրողին

— կառավարության հետ երկխոսության ապահովում

—ներդրումային փաթեթների տրամադրում

— ռիսկերի նվազեցման և շահավետ գործունեության մասով խորհրդատվության տրամադրում

— ֆինանսական շուկաների հասանելիության ապահովում

— համատեղ ներդրումների իրականացում

Հայաստանն ունի բարենպաստ աշխարհագրական դիրք՝ Արևելքը Արևմուտքին միավորելու հնարավորությամբ։

Հայաստանը ԵՄ-ի հետ ունի Համապարփակ և ընդլայնված գործընկերության համաձայնագիր և հանդիսանում է ԵԱՏՄ լիիրավ անդամ:

2015թ.-ին Հայաստանը դարձավ տարածաշրջանային տնտեսական ինտեգրման միջազգային կազմակերպություն հանդիսացող ԵԱՏՄ անդամ: Ըստ ԵԱՏՄ պաշտոնական կայքի` ԵԱՏՄ անդամ երկրների միջև առևտրաշրջանառության դրական հաշվեկշիռը Հայաստանի մասով 2023թ. հունվար-սեպտեմբերին նախորդ տարվա նույն ժամանակահատվածի համեմատ աճել է 57,2%-ով:

ԵՄ-ն Հայաստանի երկրորդ խոշորագույն առևտրային գործընկերն է: ԵՄ-ի հետ առևտուրը կազմում է Հայաստանի ընդհանուր առևտրի 20% -ը՝ հանդիսանալով  Հայաստանի ներմուծման և արտահանման երկրորդ շուկան՝ կազմելով համապատասխանաբար 19.5% և 21.9%:

2014թ. հունվարի 1-ից Եվրոպական հանձնաժողովի որոշմամբ Հայաստանի Հանրապետությունն ընդգրկվել է ԵՄ վերանայված «Արտոնությունների ընդհանրացված և համալրված համակարգի (GSP+)» արտոնյալ առևտրային ռեժիմի նոր փուլում, որի շրջանակներում արտահանումները դեպի ԵՄ անդամ պետություններ իրականացվում են ավելի պարզեցված ընթացակարգով: 2018թ․ հունվարի 1-ից Հայաստանի Հանրապետությունում ներդրվել է ԵՄ GSP+ արտոնյալ առևտրային ռեժիմի շրջանակներում ապրանքների ծագման հավաստագրման էլեկտրոնային «Գրանցված արտահանողների համակարգը» («REX»)` ինքնավավերագրման սկզբունքի հիման վրա:

ԵՄ-Հայաստան երկկողմ առևտրային հարաբերությունները կարգավորվում են Համապարփակ և ընդլայնված գործընկերության համաձայնագրով, որը գործում է 2018թ․-ի հունիս ամսից։

• Ունենալով մի շարք ազատ առևտրային համաձայնագրեր, ԵՄ-ի հետ համաձայնագիր և  ԵԱՏՄ անդամակցություն՝ Հայաստանն ունի 0% մաքսատուրքով 1,5 միլիարդ շուկայի հասանելիություն
• «Բաց դռներ»-ի քաղաքականություն օտարերկրյա ներդրողների համար, որն իրենից ներկայացնում է գույքի լիարժեք սեփականության իրավունք
• Հայաստանը աշխարհում ամենափոքր հարկային բեռ ունեցող երկրներից է, որն առաջարկում է ճկուն հարկային համակարգ փոքր, միջին և մեծ ներդրումների համար՝
  • Միկրոբիզնեսի հարկային ռեժիմ. տարեկան մինչև 55,000 ԱՄՆ դոլար վաճառքի դեպքում ընկերությունն ազատվում է շահութահարկից
  • Շրջանառության հարկի ռեժիմ. տարեկան մինչև 220,000 ԱՄՆ դոլար վաճառքի դեպքում ընկերությունը վճարում է 1,5-6% շրջանառության հարկ, ինչպես նաև ազատվում է ԱԱՀ-ից և շահութահարկից
  • ՏՏ սկսնակ գործարարներ. ընկերությունն առաջին 5 տարիների ընթացքում ազատվում է շահութահարկից
  • Գյուղատնտեսական արտադրանք. տարեկան մինչև 220,000 ԱՄՆ դոլար վաճառքի դեպքում ընկերությունն ազատվում է շահութահարկից
  • Սահմանային հարկային ռեժիմ. Հայաստանի սահմանակից գյուղերում գործունեություն ծավալելու դեպքում ընկերությունն ազատվում է շահութահարկից
  • Ֆոնդային բորսայում ցուցակված ընկերությունների շահաբաժինները և արժեկտրոնային վճարումները ազատվում են հարկերից
• Անարգել մուտք ցանկացած ոլորտ առանց անձնակազմի հավաքագրման սահմանափակումների, ազգայնացման դեմ երաշխիքների, ինչպես նաև շահույթի ազատ և անսահմանափակ վերադարձ, փոխարժեքների անսահմանափակ փոխանակում շուկայական գներով
• Հնգամյա դրույթը (grandfather clause), որը պաշտպանում է օտարերկրյա ներդրողներին ներդրումների հետ կապված օրենսդրության փոփոխություններից:

Ազատ տնտեսական գոտիները (ԱՏԳ), որոնք հայտնի են նաև որպես ազատ տնտեսական տարածքներ (ԱՏՏ) կամ պարզապես ազատ գոտիներ (ԱԳ), շրջաններ են, որտեղ գործարար և առևտրային օրենքները տարբեր են երկրի մնացած մասերից։ Հայաստանում ԱՏԳ-ները եզակի հնարավորություն են ընձեռում ձեռնարկատերերին` տնտեսության ռազմավարական նշանակություն ունեցող ոլորտներում բիզնես հիմնելու, ավելի ցածր սակագներ վճարելու, արտադրելու և արտահանելու համար։ Նպատակն է աջակցել արդյունավետ գործարքների իրականացմանը և կարճ ժամկետներում շահույթ ստանալ ներդրումներից: Հայաստանում ազատ տնտեսական գոտին թույլ է տալիս գրանցել ընկերություն կամ ներկայացուցչություն, իսկ ֆիզիկական անձանց կամ ընկերությաններին թույլ է տալիս ԱՏԳ-ում դառնալ ոչ ռեզիդենտ իրավաբանական անձ և անհատ մասնակից / օպերատոր:

Ազատ տնտեսական գոտիներում գործունեություն ծավալելու թույլտվություն ստացած ընկերությունները կարող են օգտվել հետևյալ արտոնություններից.

ԱՏԳ-ի մասնակից դառնալու համար քայլերը հետևյալն են՝

Օտարերկրյա քաղաքացիները, ովքեր նախատեսում են ներդրումներ իրականացնել կամ բիզնես հիմնել Հայաստանում, կարող են ունենալ հետևյալ բնակության թույլտվություններից մեկը.

• Ժամանակավոր բնակության կարգավիճակ, որը տրվում է քարտի տեսքով` 1 տարի վավերականությամբ
• Մշտական ​​բնակության կարգավիճակ, որը տրվում է քարտի տեսքով՝ 5 տարի վավերականությամբ
• Հատուկ բնակության կարգավիճակ, որը տրվում է անձնագրի տեսքով `10 տարի վավերականությամբ

Հայաստանում գոյություն ունեցող ազատ տնտեսական գոտիներ

Ներկայումս Հայաստանն ունի չորս Ազատ տնտեսական գոտի.

• Ալյանս ազատ տնտեսական գոտին հիմնադրվել է 2012 թ․-ին և գործում է երկու վայրում `ՌԱՕ Մարս և Երևանի Համակարգչային հետազոտական ինստիտուտ: Ալյանսն ուղղված է բարձր և նորարարական տեխնոլոգիաների, այդ թվում `էլեկտրոնիկայի, ճշգրիտ ճարտարագիտության, դեղագործության  բիոտեխնոլոգիայի, տեղեկատվական տեխնոլոգիայի, այլընտրանքային էներգիայի, արդյունաբերական դիզայնի և հեռահաղորդակցության արտադրությունն ու արտահանումը:
• Meridian ազատ տնտեսական գոտին հիմնադրվել է 2014 թ.-ին Երևանի կենտրոնում և մասնագիտացած է զարդերի, ադամանդների հատման և ժամացույցների արտադրության մեջ: Այն Հայաստանում ոչ ռեզիդենտ ֆիզիկական կամ իրավաբանական անձանց համար արդյունավետ հարթակ է հանդիսանում զարդերի, ադամանդագործություն, ժամացույցի արտադրության բիզնեսների համար: ԱՏԳ-ի լրացուցիչ առավելությունը հումքի առանց մաքսատուրքի ներմուծումն է, ինչպես նաև «Արտադրված է Հայաստանում» վկայականով ապրանքների արտահանումը ԵԱՏՄ երկրներ:
• Մեղրու ազատ տնտեսական գոտին պաշտոնապես գործարկվել է 2017 թվականին Իրանի հետ սահմանին գտնվող Մեղրու շրջանում: Այս ԱՏԳ-ն ստեղծվել է ռեզիդենտ և ոչ ռեզիդենտ գյուղատնտեսական, առևտրային, տրանսպորտային, վերամշակող և զբոսաշրջության ոլորտներում գործունեություն ծավալող ընկերություններ ներգրավելու համար: Մեղրու ԱՏԳ-ն առաջարկում է Հայաստանի ազատ տնտեսական գոտիների շրջանում արդյունաբերության ամենամեծ ծածկույթը։ Այս վայրը, ինչպես նաև ընդլայնված առևտրային և նյութատեխնիկական ապահովման հնարավորությունները, առևտրային կամուրջ են հանդիսանում Հայաստանի և Իրանի, ԵՄ երկրների և ԵԱՏՄ-ի միջև:
• ECOS ազատ տնտեսական գոտին գտնվում է Երևանից 50 կմ հեռավորության վրա ՝ Կոտայքի մարզի, Հրազդան քաղաքում: 2024 հունվարի տվյալներով ECOS ազատ տնտեսական գոտում ներգրավվել է 12 ընկերություն: Երկրի նորագույն ԱՏԳ-ն `ECOS- ը կենտրոնացած է նորարարությունների և բարձր տեխնոլոգիաների զարգացման վրա: ԱՏԳ-ն ունի բոլոր անհրաժեշտ ենթակառուցվածքները ՏՀՏ ընկերություններին աջակցելու համար, ներառյալ նրանք, ովքեր զարգացնում են բլոկչեյն տեխնոլոգիան:

2022 թվականին տնտեսության զարգացումն ընթացել է 2021 թվականի տարվա համեմատ ավելի արագ տեմպերով: Գրանցվել է իրական ՀՆԱ-ի 12.6% աճ, նախորդ տարվա 5.8% աճի դիմաց։ Տնտեսական աճը շարունակվեց նաև 2023 թվականին։ 2023թ․ հունվար–սեպտեմբերին ՀՆԱ աճը կազմել 9.2%:
2023թ․ հունվար–դեկտեմբերին ՝ տնտեսական ակտիվության ցուցանիշը կազմել է 9.4%:
2023 թվականի հունվար–դեկտեմբերին Հայաստանի արտաքին առևտրաշրջանառությունը կազմել է 20․7 մլրդ ԱՄՆ դոլար, աճը 2022թ․ հունվար–դեկտեմբերի համեմատ՝ 46.0%, որից արտահանումը կազմել է 8.4 մլրդ ԱՄՆ դոլար, աճը՝ 55.3%, իսկ ներմուծումը կազմել է 12.3 մլրդ ԱՄՆ դոլար, աճը՝ 40.2%

Հայաստանի աշխատաշուկան անընդհատ համալրվում է բարձր պահանջարկ ունեցող հմուտ աշխատուժով` շնորհիվ Հայաստանի համալսարանների կողմից տասնամյակների ընթացքում կիրառվող ուսումնառության մեխանիզմների:

Հայաստանի բնակչությունը ԱՊՀ անդամ երկրների շրջանում ունի բարձր կրթվածության մակարդակ։ Համաշխարհային բանկի տվյալների համաձայն՝ Հայաստանում գրագիտության միջին մակարդակը 99,8% է, մինչդեռ Հայաստանի աշխատուժը ԱՊՀ տարածաշրջանում զբաղեցնում է երկրորդ տեղը Ռուսաստանից հետո, շուրջ 50% -ը՝ երրորդական կրթություն ունենալով: