Սերմից ֆերմա
Ոլորտ՝ Գյուղատնտեսություն
Գործընկեր՝ Հայր և որդի Երեմյաններ ՍՊԸ
Նկարագրություն՝ Հայր և որդի Երեմյաններ ընկերության հետ համատեղ իրականացվող ծրագիրն ուղղված է կազմակերպության Վայոց Ձորի տավարաբուծական ֆերմայում անասնակերի մատակարարման գործընթացի արդյունավետության ապահովմանը։ Արցախյան պատերազմից հետո ԱՀ տարածքից արտադրանքի ձեռքբերումը դարձել է անհնարին, իսկ տեղական շուկայի առաջարկն իր որակական հատկանիշներով չի համապատասխանում ընկերության պահանջներին, ուստի Հայր և որդի Երեմյաններ ընկերությունն իր գյուղատնտեսական նախագծերի շարունակականությունն ապահովելու նպատակով ներգրավվել է այս նախագծում։
Ծրագրով, Հայր և որդի Երեմյաններ ընկերության կողմից բարձրորակ անասնակեր աճեցնելու նպատակով, Արմավիրի մարզում ձեռք է բերվել 225 հա հողատարածք և համապատասխան սարքավորումներ (կամ` գյուղտեխնիկա):
Նախագիծը թույլ է տալիս ամբողջացնել «Սերմից՝ սեղան» (From seed to table) հայեցակարգը, որով առաջնորդվում է ընկերությունը: Սերմից ստացվում է անասնակերը, որը համապատասխան վերամշակում անցնելով կերախոհանոցում՝ մատակարարվում է ֆերմաներում պահվող կենդանիներին։
Առավելություններ՝ Ծրագիրը շղթայական ազդեցություն ունի և նպասում է «Երեմյան Փրոջեքթս»-ի մի շարք բիզնես նախագծերի շարունակականությանը, մատակարարման գործընթացի կայունության ապահովմանը, ինչպես նաև վերջնական սպառողի համար շուկայական գների աճի զսպմանը։
Ծրագրի արժեք՝ 2 մլն ԱՄՆ դոլարին համարժեք դրամ
Ֆոնդի ներդրման արժեք՝ 0,5 մլն ԱՄՆ դոլարին համարժեք դրամ
Ստեղծվող աշխատատեղեր՝ 20-40