Գլխավոր էջ | Նորություններ և իրադարձություններ | «Այգ-1» արևային կայանի կառուցման ծրագրի ընթացքի մասին

«Այգ-1» արևային կայանի կառուցման ծրագրի ընթացքի մասին

Հայաստանի պետական հետաքրքրությունների ֆոնդը` ԱՆԻՖ-ը ուրախ է տեղեկացնել, որ ՀՀ կառավարության հոկտեմբերի 28-ի նիստում որոշվել է «Այգ-1» ծրագրի շրջանակում արևային ֆոտովոլտային կայանի կառուցման նպատակով ՀՀ սեփականությունը հանդիսացող՝ 377.4 հեկտար ընդհանուր մակերեսով հողամասերը ներդնել ԱՆԻՖ-ի կանոնադրական կապիտալում։

Նշենք, որ ՀՀ կառավարության կողմից հաստատված «Այգ–1» ծրագրով նախատեսվում է Արագածոտնի մարզի Դաշտադեմ և Թալին համայնքների տարածքում կառուցել 200 մեգավատ հզորությամբ արևային էլեկտրակայան:

Ծրագիրը վերահաստատում է կառավարության հանձնառությունն՝ ուղղված  վերականգվող էներգետիկայի զարգացմանը,  ըստ որի նախատեսվում է  կառուցել  մինչև  1000 ՄՎտ հզորությամբ արևային կայաններ, ներառյալ ինքնավարները՝ նպատակ ունենալով մինչև  2030թ․ արևային էներգիայի արտադրության բաժինն ընդհանուրի մեջ  հասցնել  առնվազն 15 տոկոսի:

Ծրագիրն ունի կարևոր ռազմավարական նշանակություն, թե’ ներդրումային, թե’ նաեւ Հայաստանի Հանրապետության ընդհանուր էներգետիկ հաշվեկշռում վերականգնվող էներգիայի մասնաբաժնի մեծացման, էներգետիկ անվտանգության և անկախության մակարդակի բարձրացման տեսանկյունից:

«Այգ-1» ծրագիրն իրականացնում է Արաբական Միացյալ Էմիրությունների «Մասդար» ընկերության և «ԱՆԻՖ» կողմից ստեղծված համատեղ ընկերությունը։ «Մասդար» ընկերությունը վերականգնվող էներգետիկայի ոլորտում միջազգային առաջատար ընկերություններից մեկն է։

 

Լուսանկարը՝ «Մասդար»-ի պաշտոնական կայք էջից

Նմանատիպ նյութեր

ԱՆԻՖ-ի խորհրդի նախագահ...

Նոյեմբերի 27-ին Հայաստանի պետական հետաքրքրությունների...

Նվիրաբերություն՝ Թալին...

Հայաստանի պետական հետաքրքրությունների ֆոնդը...

ԱՆԻՖ֊ի պայմանագրային...

Ուրախ ենք տեղեկացնել, որ ԱՆԻՖ֊ի դուստր ընկերության...