Գլխավոր էջ | Նորություններ և իրադարձություններ | ԱՆԻՖ-ի դուստր ընկերության կողմից ստեղծվել է ներդրումային ֆոնդ՝ օգնելու մեղմել COVID-19-ի ազդեցությունը Հայաստանի տնտեսության վրա

ԱՆԻՖ-ի դուստր ընկերության կողմից ստեղծվել է ներդրումային ֆոնդ՝ օգնելու մեղմել COVID-19-ի ազդեցությունը Հայաստանի տնտեսության վրա

Հայաստանի պետական հետաքրքրությունների ֆոնդի (այսուհետ՝ ԱՆԻՖ) դուստր ընկերության կողմից հիմնադրված «Ձեռնարկատեր+Պետություն հակաճգնաժամային ներդրումներ» փակ ոչ հրապարակային մասնագիտացված պայմանագրային ներդրումային ֆոնդը կօգնի մեղմել COVID-19-ի հետևանքով ստեղծված ճգնաժամի երկարաժամկետ ազդեցությունը ՀՀ տնտեսության վրա։ ՀՀ կառավարությունը մինչև 50 մլրդ ՀՀ դրամ (մոտ 100 միլիոն ԱՄՆ դոլար) կտեղաբաշխի ֆոնդում։

2020թ․ մայիսի 8-ին Հայաստանի Հանրապետության կենտրոնական բանկի խորհրդի կողմից հաստատվել է ԱՆԻՖ-ի դուստր ձեռնարկություն հանդիսացող՝ «Ձեռնարկատեր+Պետություն հակաճգնաժամային ներդրումների կառավարիչ» ՓԲԸ֊ի  «Ձեռնարկատեր+Պետություն հակաճգնաժամային ներդրումներ» փակ ոչ հրապարակային մասնագիտացված պայմանագրային ներդրումային ֆոնդի գրանցումը։ Նորաստեղծ Ֆոնդի գործունեության նպատակը տնտեսության մեջ մասնավոր կապիտալի ներհոսքի խթանումն է և դրա միջոցով կապիտալի երկարաժամկետ և կայուն աճի ապահովումը՝ ներգրավելով մասնավոր կապիտալ, որն այլ պարագայում չէր ներդրվի COVID-19-ի արդյունքում ստեղծված անորոշության պայմաններում։

Ինչպես նշվում է Կառավարության տնտեսական ծրագրում, Ֆոնդը կհամաֆինանսավորի Հայաստանի համար ռազմավարական նշանակություն ունեցող ոլորտների ծրագրեր՝ ներդնելով 1-2 միլիոն ԱՄՆ դոլար կապիտալ յուրաքանչյուր ծրագրում։ Ծրագիրը նախատեսված է բացառապես Հայաստանում իրականացվող ներդրումների համար և պահանջում է, որ պետության կողմից յուրաքանչյուր ներդրումի դիմաց մասնավոր գործընկերոջ և առևտրային բանկի կողմից ներդրվի գումարի եռապատիկը։

«Քանի որ ամբողջ աշխարհի կառավարությունները եկել են այն եզրահանգման, որ  COVID-19-ի ազդեցությունը դեռ երկար ժամանակ է լինելու մեզ հետ, ՀՀ կառավարությունը ստեղծեց այս Ֆոնդը, նպատակ ունենալով մեղմել այն ռիսկերը, որոնց բախվում են գործարարները։ Բիզնես համայնքին ուղղված կոչը հստակ է՝ ՀՀ Կառավարությունը Ձեր կողքին է և պատրաստակամ կիսելու ռիսկի բեռը»,- նշեց ԱՆԻՖ-ի գլխավոր տնօրեն Դավիթ Փափազյանը։

Նմանատիպ նյութեր

«Ֆլայ Արնա»-ն մեկնարկում...

Հայաստանի պետական հետաքրքրությունների ֆոնդը (ԱՆԻՖ) ուրախ...

ԱՆԻՖ-ի և «Ապագա...

Հայաստանի պետական հետաքրքրությունների ֆոնդի` ԱՆԻֆ-ի և...

Ֆլայ Արնան ստացել է...

  Նոր ավիաընկերության գործունեության մեկնարկին...