ԱՆԻՖ-ը հայտարարում է Իսոդորո Լուչիոլայի՝ ֆոնդի տնօրենների խորհրդի անդամ նշանակվելու մասին:
Մենք ուրախ ենք տեղեկացնելու, որ պարոն Իսիդորո Լուչիոլան նշանակվել է Հայաստանի պետական հետաքրքրությունների ֆոնդի (ԱՆԻՖ) տնօրենների խորհրդի անդամ:
ԱՆԻՖ-ի գործադիր տնօրեն Դավիթ Փափազյանն ասաց՝ «Մենք շատ ուրախ ենք, որ պարոն Իսիդորոն միացել է մեր տնօրենների խորհրդին: Բանկային ոլորտում իր հսկայական փորձը, որը զուգակցվում է իտալական գործարար սեկտորի մասին խորը գիտելիքների հետ, առանցքային կլինի ԱՆԻՖ-ի համար: Հայաստանն ունի Իտալիայի պետական և մասնավոր ընկերությունների հետ աշխատելու մեծ չիրագործված ներուժ: Մենք համոզված ենք, որ պարոն Իսիդորոյի գիտելիքները կօգնեն այս ներուժը գործնական բիզնեսի վերածելուն:»
«Բացի այդ, պարոն Իսիդորոն Իտալիայում կառավարել է ԱՆԻՖ-ի հետ գրեթե նույնական պետական կառույց և մենք պատրաստ ենք հնարավորինս օգտվել այն հասկայական փորձից, որը նա ձեռք է բերել այդ դերում»-, ավելացրեց պարոն Փափազյանը:
Պարոն Լուչիոլան ասաց՝ «Ես ոգևորված եմ միանալու ԱՆԻՖ-ի տնօրենների խորհրդին՝ նպատակ ունենալով բերել լրացուցիչ մասնագիտական ներդրում՝ Հայաստանի տնտեսական զարգացումն ամրապնդելու և նրա տնտեսական փոխակերպման գործընթացը արագացնելու համար: Ես հավատում եմ, որ Հայաստանը օտարերկրյա երկարաժամկետ ներդրումների համար ապահով ուղղություն է և այն նաև հիանալի կամուրջ է եվրոպական, եվրասիական և միջիասիական մեծ շուկաների համար:»