Մեր թիմը

ԹԻՄ

ԴԱՎԻԹ

ՓԱՓԱԶՅԱՆ

Գործադիր...

+

ՍԵՐԳԵՅ

ԳՐԻԳՈՐՅԱՆ

Գործադիր...

+

ԽԱԼԵԴ

ՀԵԼԻՈՈՒԻ

Ներդրումային...

+

ՍՈՖԻԱ

ԿԱՖԻԵՎԱ

Տնօրեն,...

+

ԳՐԻԳՈՐ

ՉՈԲԱՆՅԱՆ

Գլխավոր...

+

ԲԵԼԼԱ

ՄԱՆՈՒԿՅԱՆ

«Ձեռնարկատեր...

+

Գործարքների իրականացման թիմ

ՏԻԳՐԱՆ

ՍԱՐԳՍՅԱՆ

Առաջատար...

+

ՄԱՐԳԱՐԻՏԱ

ԱՌԱՔԵԼՅԱՆ

Վերլուծաբան

+

Իմացեք ավելին՝ ԱՆԻՖ-ի մասին

ԴԱՎԻԹ

ՓԱՓԱԶՅԱՆ

Գործադիր տնօրեն

Դավիթ Փափազյանն անկախ ֆինանսական կառավարիչ է, «Յունիբանկ Արմենիայի» տնօրենների խորհրդի անդամ՝ ֆինանսների կառավարման և ներդրումային բանկինգի ոլորտում 13 տարվա աշխատանքային փորձով։ Նա նախկինում աշխատել է որպես ներդրումային բանկիր UBS-ում (ՄԹ) և «Մերիլ Լինչում» (ՌԴ)։ Դ․ Փափազյանն ավարտել է Փարիզի քաղաքական հետազոտությունների ինստիտուտը և ESSEC-ի բիզնես դպրոցում ստացել մագիստրոսի կոչում։

ՍԵՐԳԵՅ

ԳՐԻԳՈՐՅԱՆ

Գործադիր տնօրենի տեղակալ

Սերգեյ Գրիգորյանն ունի ավելի քան 14 տարվա աշխատանքային փորձ բանկային համակարգում: Նա հանդիսանում է EvaBeta ձեռնարկության գործընկեր և խորհրդի անդամ Յունիստրիմ բանկում: Զբաղեցրել է տարբեր ղեկավար պաշտոններ ռուսական, հայկական, իտալական, իսպանական և  իսրայելական ընկերություններում: Ս․ Գրիգորյանը ստացել է տնտեսական գիտությունների թեկնածուի կոչում Ռուսաստանի Դաշնության կառավարությանն առընթեր Ֆինանսական համալսարանում: Գերազանցությամբ ավարտել է Հայաստանի պետական տնտեսագիտական համալսարանը:

ՍՈՖԻԱ

ԿԱՖԻԵՎԱ

Տնօրեն, Բիզնեսի զարգացման ղեկավար

Սոֆիա Կաֆիևան ունի ավելի քան 14 տարվա աշխատանքային փորձ կորպորատիվ ֆինանսների և ներդրումային բանկինգի ոլորտում: Նա հիմնականում մասնագիտացած է էներգետիկայի և էներգետիկ ենթակառուցվածքների ոլորտներում,  խորհրդատվություն է մատուցել հաճախորդների լայն շրջանակի` փոքր մասշտաբի անկախ արտադրողներից մինչև կառավարությունների և պետական ներդրումային ֆոնդերի (SWF) համար:Ս․ Կաֆիևան նախկինում աշխատել է որպես ներդրումային բանկիր «Մերիլ Լինչում» և «Էվերքորում»։ Ստացել է մագիստրոսի աստիճան Կորպորատիվ ֆինանսներ մասնագիտությամբ Ռուսաստանի պետական համալսարանի տնտեսագիտության բարձրագույն դպրոցում։ 

ԽԱԼԵԴ

ՀԵԼԻՈՈՒԻ

Ներդրումային կոմիտեի նախագահ

Խալեդ Հելիոուին ակտիվ ներդրող է, ով աջակցում է հստակ առաքելություն ունեցող նորաստեղծ ձեռնարկություններին, ինչպիսիք են Uber-ը (Խալեդը հանդիսացել է ընկերության առաջին եվրոպական ներդրողը), Deliveroo- ն, Student.com-ը, Werlabs-ը, Soldo-ն, Upgraded-ը, Yumi- ն և Bolt-ը: Նախկինում Խալեդը եղել է Bigpoint-ի գլխավոր գործադիր տնօրենը։ Վերջինս Գերմանիայի ամենամեծ խաղային ընկերությունն է, որն ունի ավելի քան 500 աշխատող և գրանցված 400 միլիոն խաղացող։ Խալեդը ղեկավարել է ընկերությունը շրջադարձային փուլում և իրագործել ընկերության հետագա վաճառքը Youzu Interactive-ին: Խալեդը ձեռնարկատիրության ակտիվ խթանող է, մասնավորապես, Թունիսում հանդես է գալիս որպես մենթոր և մարզիչ՝ ձեռնարկատերերի և ուսանողների համար: Նա ՄԱԿ-ի թվային առաջնորդ է և ընդգրված է Holding Italiana Quattordicesima-ի խորհրդի կազմում:

ԳՐԻԳՈՐ

ՉՈԲԱՆՅԱՆ

Գլխավոր իրավախորհրդատու

Գրիգոր Չոբանյանն ունի ավելի քան 8 տարվա մասնագիտական փորձ որպես մասնավոր ոլորտում գործող ընկերությունների իրավաբան, արտաքին իրավախորհրդատու և դասախոս Երևանի պետական համալսարանում, ինպես նաև Հայաստանում ֆրանսիական համալսարանում: Գ. Չոբանյանը խորհրդատվություն է իրականացրել տարբեր խոշոր ներդրումային ծրագրերում, ինչպես նաև ունի մասնավոր հատվածի ներդրողների և պետական գերատեսչությունների հետ աշխատելու մեծ փորձ: Նա ավարտել է Երևանի պետական համալսարանի իրավագիտության ֆակուլտետը և ստացել է մագիստրոսական կրթություն ԱՄՆ-ում Ֆուլբրայթ կրթաթոշակային ծրագրի շրջանակներում: Գ. Չոբանյանը իրավաբանական գիտությունների թեկնածում է և պաշտպանել է իր ատենախոսությունը միջազգային տնտեսական իրավունքի ոլորտում: Մասնագիտական փորձառնության վերջին տարիների ընթացքում Գ. Չոբանյանն աջակցել է կորպորատիվ կառավարման և կապիտալի շուկայի ոլորտում օրենսդրական փոփոխությունների մշակմանն ու ընդունմանը, որոնցից կարելի է ընդգծել մասնավորապես «Բաժնետիրական ընկերությունների մասին» ՀՀ օրենքի և «Պետություն-մասնավոր գործընկերության մասին» ՀՀ օրենքներում փոփոխությունները:

ԲԵԼԼԱ

ՄԱՆՈՒԿՅԱՆ

«Ձեռնարկատեր + Պետություն ներդրումային ֆոնդ» ՓԲԸ տնօրեն

Բելլա Մանուկյանն ունի ավելի քան 8 տարվա աշխատանքային փորձ ներդրումների կառավարման ոլորտում։ Աշխատել է ՀՀ էկոնոմիկայի նախարարությունում, որտեղ համակարգել է դոնորների հետ համագործակցությունը և երկխոսություն է վարել միջազգային ֆինանսական հաստատությունների հետ: Նրա կարիերան այնուհետև կենտրոնացել է ներդրումների ոլորտում, երբ նա միացել է «Բիզնես Արմենիա»-ին, ապա՝ ԱՆԻՖ-ին: Բելլան ներկայումս ղեկավարում է ԱՆԻՖ-ի գործարքների թիմը և կառավարում է ԱՆԻՖ֊ի ներքո գործող մասնավոր բաժնետիրական ֆոնդը: Բ․Մանուկյանը գերազանցությամբ ավարտել է Էքսեթերի համալսարանը՝ բիզնեսի կառավարման բակալավրի աստիճանով, որից հետո ստացել MBA աստիճան Շեֆիլդի համալսարանում:

ՄԱՐԳԱՐԻՏԱ

ԱՌԱՔԵԼՅԱՆ

Վերլուծաբան

Մարգարիտա Առաքելյանն ունի 6 տարվա աշխատանքային փորձ ֆինանսական ոլորտում՝ աշխատելով միջազգային ընկերություններում որպես վերլուծաբան։ Մ․Առաքելյանն ավարտել է Հայաստանում ֆրանսիական համալսարանի Կառավարում  ֆակուլտետը, ստացել ֆինանսների մագիստրոսի կոչում։

ՏԻԳՐԱՆ

ՍԱՐԳՍՅԱՆ

Առաջատար վերլուծաբան

Տիգրան Սարգսյանն ունի 8 տարվա աշխատանքային փորձ բանկային ոլորտում։ Մասնավորապես, Ամերիաբանկ ՓԲԸ Կորպորատիվ և ներդրումային դեպարտամենտում սկզբում աշխատել է որպես փաստաթղթերի ձևակերպման մասնագետ, այնուհետև՝ բիզնես վարկավորման մասնագետ, ավագ մասնագետ և հետո որպես գլխավոր մասնագետ։   Տ․ Սարգսյանն ավարտել է ՀՊՏՀ Ֆինանսական ֆակուլտետը, ունի մագիստրոսի կոչում։