Մեր թիմը

ԹԻՄ

ՏԻԳՐԱՆ

ՂԱԶԱՐՅԱՆ

ԱՆԻՖ-ի...

+

ՍԵՐԳԵՅ

ԳՐԻԳՈՐՅԱՆ

Գործադիր...

+

ԲԵԼԼԱ

ՄԱՆՈՒԿՅԱՆ

«Ձեռնարկատեր...

+

Էդգար

Էվոյան

ԱՌՖԻ...

+

ՍՐԲՈՒՀԻ

ՄԵԼՔՈՆՅԱՆ

Ֆինանսական...

+

ԳևՈՐԳ

ՄԿՐՏՉՅԱՆ

Իրավական գծով...

+

ԼԻԼԻԹ

ՄԱՆՈՒԿՅԱՆ

Իրավախորհրդատու

+

ՏԱԹԵՎԻԿ

ԳԱԼԱՎԱՐՅԱՆ

Մոնիթորինգի...

+

ԳՐԻԳՈՐԻ

ՈՍՏԱՆԻԿՅԱՆ

Գնումների...

+

ՍՈՒՍԱՆՆԱ

ՏՈՆՈՅԱՆ

Մամուլի...

+

Իմացեք ավելին՝ ԱՆԻՖ-ի մասին

ՏԻԳՐԱՆ

ՂԱԶԱՐՅԱՆ

ԱՆԻՖ-ի գործադիր տնօրենի ժամանակավոր պաշտոնակատար

Տիգրան Ղազարյանն ունի ավելի քան 25 տարվա տարվա աշխատանքային փորձ տեղական և միջազգային կազմակերպություններում` բիզնեսի կառավարման ոլորտում: Նա ղեկավար պաշտոններ է զբաղեցրել ԱՄՆ միջազգային զարգացման գործակալության (USAID)  և Հայաստանի ամերիկյան համալսարանի (AUA)  զարգացման ծրագրերում: Եղել է «Տաթևի թևեր» ճոպանուղու տնօրենը: Տիգրան Ղազարյանը բիզնեսի զարգացման խորհրդատվական ծառայություններ է մատուցել բազմաթիվ տեղական և միջազգային կազմակերպություններին: Վերապատրաստվել է եվրոպական և ամերիկյան մի շարք համալսարաններում՝ այդ թվում ԱՄՆ-ի Մոնտանայի և Հարվարդի համալսարաներում,  ինչպես նաև Նիդերլանդների Թագավորության Դելֆտի տեխնոլոգիական համալսարանում: Բիզնես կառավարման մագիստրոսի կոչում է ստացել`MBA (Հնդկաստանի Մահաթմա Գանդի համալսարան), հավաստգրված գործառնական ղեկավար` COM (Բիզնեսի և հաղորդակցության ամերիկյան համալսարան): Տ.Ղազարյանը ներկայումս դասավանդում է Հայաստանի պետական կառավարման ակադեմիայում:

ՍԵՐԳԵՅ

ԳՐԻԳՈՐՅԱՆ

Գործադիր տնօրենի տեղակալ

Սերգեյ Գրիգորյանն ունի ավելի քան 14 տարվա աշխատանքային փորձ բանկային համակարգում: Նա հանդիսանում է EvaBeta ձեռնարկության գործընկեր և խորհրդի անդամ Յունիստրիմ բանկում: Զբաղեցրել է տարբեր ղեկավար պաշտոններ ռուսական, հայկական, իտալական, իսպանական և  իսրայելական ընկերություններում: Ս․ Գրիգորյանը ստացել է տնտեսական գիտությունների թեկնածուի կոչում Ռուսաստանի Դաշնության կառավարությանն առընթեր Ֆինանսական համալսարանում: Գերազանցությամբ ավարտել է Հայաստանի պետական տնտեսագիտական համալսարանը:

ԲԵԼԼԱ

ՄԱՆՈՒԿՅԱՆ

«Ձեռնարկատեր + պետություն ներդրումային ֆոնդ» ՓԲԸ տնօրեն

Բելլա Մանուկյանն ունի ավելի քան 8 տարվա աշխատանքային փորձ ներդրումների կառավարման ոլորտում։ Աշխատել է ՀՀ էկոնոմիկայի նախարարությունում, որտեղ համակարգել է դոնորների հետ համագործակցությունը և երկխոսություն է վարել միջազգային ֆինանսական հաստատությունների հետ: Նրա կարիերան այնուհետև կենտրոնացել է ներդրումների ոլորտում, երբ նա միացել է «Բիզնես Արմենիա»-ին, ապա՝ ԱՆԻՖ-ին: Բելլան ներկայումս ղեկավարում է ԱՆԻՖ-ի գործարքների թիմը և կառավարում է ԱՆԻՖ֊ի ներքո գործող մասնավոր բաժնետիրական ֆոնդը: Բ․Մանուկյանը գերազանցությամբ ավարտել է Էքսեթերի համալսարանը՝ բիզնեսի կառավարման բակալավրի աստիճանով, որից հետո ստացել MBA որակավորում Շեֆիլդի համալսարանում:

Էդգար

Էվոյան

ԱՌՖԻ ներդրումային ընկերության գործադիր տնօրեն

Էդգար Էվոյանն ունի ավելի քան 14 տարվա աշխատանքային փորձ բանկային, ներդրումային եւ վճարահաշվարկային ոլորտներում: Աշխատանքային գործունեությունը սկսել է ՀՀ կենտրոնական բանկում որպես վերլուծաբան, այնուհետեւ՝ ծրագրերի ղեկավար, որից հետո ղեկավարել է Արարատբանկի ներդրումային բանքինգի դեպարտամենտը, «ՍՏԱԿ» դրամական փոխանցումների համակարգի օպերատոր եւ «Ջեներալ Ասեթ Մենեջմենթ» ներդրումային ֆոնդի կառավարիչ ընկերությունները։ Էդգար Էվոյանը տնտեսական գիտությունների թեկնածու է, ունի CFA որակավորում, 2016թ. Սովորել է ԱՄՆ Թաֆթս համալսարանի Ֆլետչերի Իրավունքի եւ Դիվանագիտության դպրոցում։

ՍՐԲՈՒՀԻ

ՄԵԼՔՈՆՅԱՆ

Ֆինանսական տնօրեն

Սրբուհի Մելքոնյանն ունի ավելի քան 17 տարվա մասնագիտական փորձ ֆինանսներում, հարկերում և աուդիտում։ 2019 թվականից ի վեր նա հանդիսանում է Անգլիայի «Երդվյալ որակավորված հաշվապահների ասոցիացիայի» (ACCA) որակավորված անդամ, որը ոլորտի ամենահարգի միջազգային որակավորումներից մեկն է: Հանդիսանալով ԱՆԻՖ ֆինանսական տնօրենը` Սրբուհին շարունակում է իր հարկային և ֆինանսական խորհրդատվության անկախ գործունեությունը: Բացի այդ, լինելով «ՀՀ Աուդիտորների և փորձագետ հաշվապահների պալատի» անդամ, Սրբուհին ակտիվորեն աշխատում է աուդիտի ոլորտի կանոնակարգային և մշակութային բարեփոխումների ուղղությամբ՝ հանդես գալով որպես «Աուդիտի որակի գնահատման հանձնաժողովի» անդամ։ Սրբուհին ունի նաև հանրային հատվածի ներքին աուդիտորի որակավարում, որի շրջանակներում անցնում է ամենամյա ատեստավորում, ինչն ընդգծում է նրա հանրային կազմակերպություններում ներքին վերհսկողության համակարգի և որակի պահանջների խորն իմացությունը։

ԳևՈՐԳ

ՄԿՐՏՉՅԱՆ

Իրավական գծով տնօրեն

ՏԱԹԵՎԻԿ

ԳԱԼԱՎԱՐՅԱՆ

Մոնիթորինգի մասնագետ

Տաթևիկն ունի ավելի քան 13 տարվա հաշվապահական հաշվառման փորձ Հայաստանի ֆինանսական կազմակերպություններում: Նախքան ԱՆԻՖ-ին միանալը, նա ներդրել է ընկերությունների հաշվապահական հաշվառումը՝ ապահովելով  համապատասխանությունը ընդհանուր հաշվապահական հաշվառման սկզբունքներին, կորպորատիվ քաղաքականությանը և արտաքին աուդիտին: Տաթևիկն ունի Երևանի Պետական Համալսարանի մաթեմատիկի բակալավրի կոչում և «Հաշվապահական ուսուցման միջազգային կենտրոն» կրթական հիմնադրամի հաշվապահական հաշվառման և աուդիտի մագիստրոսի կոչում, հաջողությամբ հանձնել է ACCA F1-F7 քննությունները: Տաթևիկը վարժ տիրապետում է հայերենին, ռուսերենին և անգլերենին:

ԼԻԼԻԹ

ՄԱՆՈՒԿՅԱՆ

Իրավախորհրդատու

Լիլիթ Մանուկյանն ունի շուրջ 6 տարվա աշխատանքային փորձ կորպորատիվ իրավունքի ոլորտում, որը ձեռք է բերել ՀՀ բանկային համակարգում և առաջատար իրավաբանական ընկերություններում աշխատելու արդյունքում։ Ավարտելով Հայաստանում ֆրանսիական համալսարանը (համատեղությամբ նաև՝ Jean Moulin Lyon 3 համալսարանը)՝ ստացել է Իրավագիտության բակալավրի աստիճան և Միջազգային գործարար իրավունքի ոլորտում մագիստրոսի կոչում։ 2021 թվականից Լիլիթը հանդիսանում է Հայաստանի Հանրապետության փաստաբանների պալատի անդամ։ Տիրապետում է հայերեն, անգլերեն, ֆրանսերեն և ռուսերեն լեզուներին։

ԳՐԻԳՈՐԻ

ՈՍՏԱՆԻԿՅԱՆ

Գնումների բաժնի պետ

Գրիգորի Ոստանիկյանն ունի ավելի քան 23 տարվա մասնագիտական փորձ գնումների ոլորտում: Ավարտել է Սանկտ Պետերբուրգի միջազգային տնտեսության և իրավունքի ինստիտուտի իրավագիտության ֆակուլտետը, ինչպես նաև ՀՀ կառավարման ակադեմիայի քաղաքագիտության ֆակուլտետը՝ ստացել քաղաքագետի մագիստրոսի կոչում: Գ.Ոստանիկյանը երկար տարիներ աշխատել Է ՀՀ կառավարությանն առընթեր պետական գնումների գործակալությունում, այնուհետև «Պետական գնումների գործակալություն» ՊՈԱԿ-ում` 1-ին կարգի մասնագետից դառնալով իրավաբանական վարչության փաստաթղթերի տեսչության բաժնի պետ: Նա ՀՀ Ֆինանսների նախարարության գնումների քաղաքականության վարչության գլխավոր մասնագետն է եղել, այնուհետև նույն նախարարության պետական գնումների գործընթացի համակարգման վարչության գնումների գործընթացի համակարգման բաժնի տեղեկատվական համակարգերի պատասխանատուն: Գ.Ոստանիկյանը զբաղեցրել է Երևանի քաղաքապետարանի կոմունալ տնտեսության վարչության պետի տեղակալի պաշտոնը :

ՍՈՒՍԱՆՆԱ

ՏՈՆՈՅԱՆ

Մամուլի խոսնակ

Սուսաննա Տոնոյանն ունի ավելի քան 26 տարվա աշխատանքային փորձ լրատվության և հանրային կապերի ոլորտում: Նա, որպես տնտեսական լրագրող, աշխատել է «Արմենպրես», «Նոյյան Տապան» լրատվական գործակալություններում, «Օր» օրաթերթում: Ս.Տոնոյանը եղել է ՀՀ տրանսպորտի և կապի նախարարի մամուլի խոսնակը, ՀՀ կառավարության տեղեկատվության և հասարակայնության հետ կապերի վարչության պետը: Նա  մասնակցել է ԱՄՆ Միջազգային զարգացման գործակալության Կրթության զարգացման ակադեմիայի (AED) վեցամսյա վերապատրաստման դասընթացներին, ինչպես նաև ԱՄՆ պետքարտուղարության Միջազգային այցերի ծրագրին: Տնտեսական լրագրողների ակումբի հիմնադիրներից է: